Lletres Asturianes. Boletín Oficial de l'Academia de la Llingua Asturiana 1983 №6

Oviedo: Academia de la Llingua Asturiana, 1983. — 108 p.Entamu.
Día de les Lletres Asturianes.
Fai ya cuatru años que vien celebrándose'l día de les lletres asturianes. Nesto, comu'n tantes otres coses, faise tierra nueva al llabrar el turren. Non tolo que ta bravo ye necesariamente ermo. Non tolo llarao d'escayos tien que ser ruino pa dar collecha.
Faía falta, numái, criar les condiciones afayaíces. Había que rozar, aborronar, voltiar, llueu llabrar sentando. Dempués aguardar que la tierra echare. Too ello lleva muncha xera y, de xuru, trabáyase a tientes ahondes vegaes, a la gueta d'un frutu perdifícil de coyer.
Y asina, pasu ente pasu, vese que la tierra ye granible y que lo que taba de monte pue anovase.
Güei somos a ufiertar una riestra trabayos lliterarios algamaos col bon jacer d'estos años. Naide diz que lean perfechos nin que s'algamen con ellos los cumales cimeros de les lletres asturianes. Nun vamos cayer nel grandonismu que xela los brotos namâi puyar.
Lo que güei se presenta son nicios perbonos, bonos y otros menos ¡lograos del trabayu que se lleva darréu. Nun naguamos per faer comparances. Les muestres ehí tán y el so va-lir nun depende nin de les filies nin de les fobies que la vindicación de la llingua lleva apa-rexaes.
Hai, eso sí, una cosa que paez nidia: los sos valores, y hailos, son nidiamente asturianos, fechos cola erbía cultural más orixinahnente asturiana, la llingua.
El so espardise, la so acetación ya nun ta xunío solo al so valir. Ya nun depende a seques de los llogros d'esta lliteratura. Ésta espárdese tamién gracias a otres circustancies que la arrodien. Hai llingües con bones relaciones publiques, con bonos voceros que pregonen el so xeitu, con bonos medios que glayen les sos virtues y otres que, perlloñe, tapecen les sos ayalgues na llucha per un alitar siempre difícil.
Ensin embargu, el valor lliterariu, felizmente, trespasa eses muries con qu' estamentos, grupos de presión o comunidaes enteres llenden les posíbilidaes inxeríes nuna llingua hestó-rica, escaecía peles estayes sociales más poderoses.
Lleguen, con too, tiempos nuevos pal rellumu de les nueses lletres, les lletres asturianes, y esi rellumu faise coles plumes que, nes manes ya, escriben asturiano un pocu meyor tolos díes.